കോട്ടയത്ത് സ്വകാര്യ ബസും കാറും കൂട്ടിയിടിച്ചു; മൂന്ന് മരണം

കോട്ടയം പൊൻകുന്നത്ത് സ്വകാര്യ ബസും കാറും കൂട്ടിയിടിച്ച് മൂന്ന് പേർ മരിച്ചു. കാർ യാത്രികരായ മണർകാട് സ്വദേശി സുകുമാരൻ, പാലക്കാട് സ്വദേശി കണ്ണൻ ദാസൻ, വടവാതൂർ സ്വദേശി പ്രശാന്ത് കുമാർ എന്നിവരാണ് മരിച്ചത്. പൊൻകുന്നം പാലാ റൂട്ടിൽ സർവ്വീസ് നടത്തിയിരുന്ന ബസ്, പൊൻകുന്നം ഭാഗത്തേക്ക് വരികയായിരുന്ന കാറുമായി കൂട്ടിയിടിക്കുകയായിരുന്നു. എളംകുളം എസ്.എൻ.ഡി.പി ജംഗ്ഷനിൽ വൈകിട്ട് ഏഴ് മണിയോടെയായിരുന്നു അപകടം.