ശോഭാ സുരേന്ദ്രൻ നയിക്കുന്ന നിരാഹാര സമരം ഏഴാം ദിവസത്തിലേക്ക്

ബിജെപി ജനറൽ സെക്രട്ടറി ശോഭാ സുരേന്ദ്രൻ നയിക്കുന്ന നിരാഹാര സമരം ഏഴാം ദിവസത്തിലേക്ക്. ആദ്യ ഘട്ടങ്ങളിൽ ബിജെപിക്കുള്ളിൽ പോലും വലിയ പ്രതികരണം സൃഷ്ടിക്കാതിരുന്ന സമരം മനിതി സംഘത്തിന്റെ വരവോടെ ഊർജ്ജം വീണ്ടെടുത്തിട്ടുണ്ട്. നാളെ സംസ്ഥാനത്തൊട്ടാകെ അയ്യപ്പജ്യോതി തെളിയിക്കാൻ സംഘപരിവാർ സംഘടനകൾ ആഹ്വാനം ചെയ്ത പശ്ചാത്തലത്തിൽ അനുബന്ധ പരിപാടികൾ ബിജെപിയും ആസൂത്രണം ചെയ്തിട്ടുണ്ട്. സമരം കണക്കിലെടുത്ത് സെക്രട്ടേറിയറ്റിന് ചുറ്റും കനത്ത സുരക്ഷയാണ് പോലീസ് ഒരുക്കിയിട്ടുള്ളത്.