ആംബുലന്‍സ് എത്താന്‍ വൈകി; ആര്‍സിസിയില്‍ ചികിത്സയ്ക്കായി എത്തിയ രോഗി മരിച്ചു

ആംബുലന്‍സ് എത്താന്‍ വൈകിയതിനെ തുടര്‍ന്ന് വയനാട് നിന്നും ആര്‍സിസിയില്‍ ചികിത്സയ്ക്കെത്തിയ രോഗി കുഴഞ്ഞുവീണു മരിച്ചു. വയനാട് സ്വദേശിനിയായ പാത്തുമ്മ (64) ആണ് മരിച്ചത്.  തമ്പാനൂര്‍ റെയില്‍വേ പ്ലാറ്റ്ഫോമില്‍ കുഴഞ്ഞുവീണ് മരിക്കുകയായിരുന്നു. മാസങ്ങളോളമായി ആര്‍സിസിയില്‍ ചികിത്സയിലായിരുന്നു പാത്തുമ്മ. ആംബുലന്‍സ് എത്താന്‍ വൈകിയതിനെ തുടര്‍ന്നാണ് മരിച്ചതെന്ന് ബന്ധുക്കള്‍ ആരോപിച്ചു.  വൈകിയെന്ന് പാത്തുമ്മയുടെ ബന്ധുക്കള്‍ ആരോപിച്ചു. പ്ലാറ്റ്ഫോമിലേക്ക് കുഴഞ്ഞു വീണതിനെ തുടര്‍ന്ന് പൊലീസിന്‍റെ ആംബുലന്‍സ് എത്തി ഇവരെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.