ശബരിമലയിൽ നിരോധനാജ്ഞ നീട്ടി

ശബരിമലയിൽ നിരോധനാജ്ഞ നീട്ടി. മകരവിളക്ക് വരെയാണ് നിരോധനാജ്ഞ നീട്ടിയിരിക്കുന്നത്. സംഘർഷ സാധ്യതയുണ്ടെന്ന പോലീസ് സൂപ്രണ്ടിന്റെ റിപ്പോർട്ട് കണക്കിലെടുത്താണ് പത്തനംതിട്ട ജില്ലാ കളക്ടറുടെ ഉത്തരവ്. 14 വരെയാണ് നിരോധനാജ്ഞ.

അതേസമയം, ശബരിമലയിൽ തിരക്ക് വർധിക്കുകയാണ്. ഇന്നലെ രാത്രി വരെ ഒരു ലക്ഷത്തിലധികം തീർത്ഥാടകരാണ് അയ്യപ്പ ദർശനം നടത്തിയത്. ശബരിമല കർമ്മസമിതി ആഹ്വാനം ചെയ്ത ഹർത്താൽ ദിനത്തിൽ പോലും 1,05000 തീർത്ഥാടകർ ദർശനത്തിനായെത്തി. സന്നിധാനം ഉൾപ്പെടുന്ന പ്രദേശങ്ങളിൽ ഒരു തരത്തിലുമുള്ള പ്രതിഷേധങ്ങൾ ഉണ്ടാകാത്തതാണ് തീർത്ഥാടകരുടെ എണ്ണം കൂടാൻ കാരണം.