ശബരിമല; നിയമനിര്‍മ്മാണത്തെ പിന്തുണച്ച് എഐസിസി

ശബരിമല യുവതീ പ്രവേശന വിഷയത്തില്‍ നിയമ നിർമ്മാണം എന്ന കെ.പി.സി.സി ആവശ്യത്തെ പിന്തുണച്ച് എഐസിസി. കേരളത്തിലെ അക്രമങ്ങളിൽ കോൺഗ്രസ് ദേശീയ നേതൃത്വം ആശങ്കയറിയിച്ചു. സി.പി.എമ്മും ബി.ജെ.പിയും ബോംബേറ് നടത്തുകയാണ്. സർക്കാർ ഇതിന് മൂകസാക്ഷിയാണെന്നും ക്രമസമാധാനം നിലനിർത്തുന്നതിൽ സർക്കാർ പരാജയപ്പെട്ടുവെന്നും കോൺഗ്രസ് വക്താവ് രൺദീപ് സുർജേവാല ആരോപിച്ചു.