മധ്യവയസ്‌കനെ കാട്ടാന അടിച്ചുകൊന്നു

അട്ടപ്പാടി പുതൂരിൽ മധ്യവയസ്‌കനെ കാട്ടാന അടിച്ചു കൊന്നു. പങ്കനാരിപ്പള്ളം ഊരിൽ നാഗമൂപ്പൻ മകൻ വെള്ള (60) ആണ് കൊല്ലപ്പെട്ടത്. വൈകുന്നേരം വെന്തവട്ടി ഊരിന് സമീപമാണ് അപകടമുണ്ടായത്. തമിഴ്നാടിനോട് ചേർന്ന് കിടക്കുന്ന ഊരിലെ പതിനഞ്ചോളം ആളുകൾ തമിഴ്നാട്ടിൽ അരി വാങ്ങാൻ പോയി വരും വഴിയാണ് സംഭവം. വനത്തിലൂടെ നടന്നുവന്ന ഇവരെ ഊരിന് സമീപത്ത് വച്ച് ഒറ്റക്കൊമ്പൻ ഉപദ്രവിക്കുകയായിരുന്നു. സംഘത്തിലുണ്ടായിരുന്ന മറ്റുള്ളവർ ഓടി രക്ഷപ്പെട്ടു.