തലശ്ശേരിയിൽ എൻ ജി ഒ യൂണിയൻ നേതാവിന്റെ വീടിന് നേരെ ബോംബേറ്

തലശ്ശേരിയിൽ എൻ ജി ഒ യൂണിയൻ നേതാവിന്റെ വീടിന് ബോംബേറ് . എൻ ജി ഒ യൂണീയൻ കണ്ണൂർ ജില്ലാ കൗൺസിലർ പി വിമൽ കുമാറിന്റെ വീടിന് നേരെയാണ് ബോംബേറുണ്ടായത്. പഞ്ചായത്ത് ഡെപ്യൂട്ടി ഡയറക്ടർ ഓഫീസ് ജൂനിയർ സൂപ്രണ്ടാണ് വിമൽ കുമാർ. തലശ്ശേരി കൊളശ്ശേരി വാവാച്ചി മുക്കിലെ വീടിനാണ് ബോംബേറ്.
വീടിന്റെ മുൻവശത്തെ സിറ്റൗട്ടും ജനൽ ഗ്ലാസുകളും ബോംബേറില്‍ തകർന്നു.  ബോംബേറ് നടക്കുമ്പോൾ വിമലും ഭാര്യയും വീട്ടിലുണ്ടായിരുന്നു. ഞായറാഴ്ച്ച പുലർച്ചെ 12.15നാണ് സംഭവം. സി പി എം നേതാവ് പരേതനായ പി വിജയന്റെ മകനാണ് വിമൽ കുമാർ