കോണ്‍ഗ്രസിനൊപ്പം ചേരുന്നത് മതേതര ജനാധിപത്യ കക്ഷിയായതിനാല്‍: പി.സി ജോര്‍ജ്

പി.സി ജോര്‍ജ് എംഎല്‍എയുടെ കേരള ജനപക്ഷം പാര്‍ട്ടി യുഡിഎഫ് മുന്നണിയുമായി സഹകരിച്ച് പ്രവര്‍ത്തിക്കും. കോണ്‍ഗ്രസുമായി യോജിച്ച് പ്രവര്‍ത്തിക്കാന്‍ തീരുമാനമായതായി പി.സി ജോര്‍ജ് പറഞ്ഞു. മുന്നണി പ്രവേശനം ചര്‍ച്ച ചെയ്യാന്‍ പ്രത്യേക സമിതി രൂപീകരിക്കും. മതേതര ജനാധിപത്യ കക്ഷി എന്ന നിലക്കാണ് കോണ്‍ഗ്രസിനൊപ്പം ചേരുന്നതെന്ന് പി.സി ജോര്‍ജ് വ്യക്തമാക്കി. ബിജെപി പ്രവേശനം അടഞ്ഞ വാതിലാണ്. സിപിഎം നേതൃത്വം നല്‍കുന്ന എല്‍ഡിഎഫ് മുന്നണിയിലേക്ക് പോകാന്‍ താത്പര്യമില്ലെന്നും പി.സി ജോര്‍ജ് കൂട്ടിച്ചേര്‍ത്തു.