അലോക് വർമ്മയെ മാറ്റിയ സംഭവം; വിമര്‍ശനവുമായി രാഹുല്‍ ഗാന്ധി

അലോക് വർമ്മയെ സിബിഐ ഡയറക്ടർ സ്ഥാനത്തു നിന്ന് നീക്കിയതിനെതിരെ വിമർശനവുമായി കോൺഗ്രസ് അധ്യക്ഷൻ രാഹുൽ ഗാന്ധി.സ്വന്തം കള്ളങ്ങളുടെ തടവറയിലാണ് നരേന്ദ്ര മോദിയെന്ന് രാഹുൽ ഗാന്ധി പറഞ്ഞു. അതുകൊണ്ടാണ് അലോക് വർമയെ സിബിഐ ഡയറക്ടർ സ്ഥാനത്ത് നിന്ന് നീക്കിയത്. മുപ്പതിനായിരം കോടി രൂപ ഇന്ത്യൻ എയർ ഫോഴ്സിൽ നിന്ന് മോഷ്ടിച്ച് അനിൽ അംബാനിക്ക് നൽകിയ ആളാണ് മോദി. ഇത് അന്വേഷിക്കപ്പെടുമെന്ന ഭയത്താൽ മോദിക്ക് ഉറങ്ങാൻ കഴിയില്ലെന്നും രാഹുൽ ഗാന്ധി ട്വിറ്ററിൽ കുറിച്ചു