‘മറുകരയില്‍ നാം കണ്ടീടും’ സഹോദരന്റെ സംസ്കാരചടങ്ങില്‍ കരളുരുകി പാടിയ സഹോദരി ആഴ്ചകള്‍ക്ക് ശേഷം ‘മറുകര’യിലേക്ക്

” മറുകരയിൽ നാം കണ്ടീടും” വിറയാര്‍ന്ന ശബ്ദത്തില്‍ സഹോദരന്റെ സംസ്കാര ചടങ്ങില്‍ പാടിയ സഹോദരിയും ‘മറുകരയിലേക്ക്’. അപ്രതീക്ഷിത മരണത്തില്‍ വിറങ്ങലിച്ച് ഒരു കുടുംബവും നാടും. ചെങ്ങന്നൂർ എക്കലയിൽ ജോർജ് – സോഫി ദമ്പതികളുടെ മകൻ ജിഫിൻ ആഴ്ചകള്‍ക്ക് മുമ്പാണ് മരിക്കുന്നത്. അന്ന് സഹോദരന്റെ മൃതദേഹത്തിന് സമീപത്ത് ഇരുന്ന് ജിഫിലി ഹൃദയം തകര്‍ന്ന് പാടിയത് നിറകണ്ണുകളോടെയാണ് . എന്നാല്‍ ആഴ്ചകള്‍ക്ക് ഇപ്പുറത്ത് ഹൃദയാഘാതത്തില്‍ തന്നെ ജിഫിലിയും മരണത്തിന് കീഴടങ്ങുകയായിരുന്നു.

ആഴ്ചകളുടെ ഇടവേളകളില്‍ രണ്ട് മക്കളുടേയും അപ്രതീക്ഷിത മരണം കുടുംബത്തെ ആകെ തളര്‍ത്തിയിരിക്കുകയാണ്.
ചെങ്ങന്നൂർ എക്കലയിൽ ജോർജ് – സോഫി ദമ്പതികളുടെ മകൻ ജിഫിൻ ആറു മാസം മുൻപാണ് വിവാഹിതനായത്. സ്വകാര്യ സ്ഥാപനത്തിൽ ജോലി ചെയ്യുകയായിരുന്ന ജിഫിന് ഉറക്കത്തിലാണ് മരണം സംഭവിച്ചത്. ജിനിനാണ് ഭാര്യ.
ജിഫിലിന്റെ മരണവും ഉറക്കത്തില്‍ തന്നെയാണ്  തലേദിവസം ഭക്ഷണശേഷം ഉറങ്ങിയ ജിഫിലിയെ രാവിലെ മരിച്ച നിലയില്‍ കണ്ടെത്തുകയായിരുന്നു.