മുനമ്പംവഴി നടന്നത് മനുഷ്യക്കടത്തല്ല, അനധികൃത കുടിയേറ്റമെന്ന് പൊലീസ്

മുനമ്പത്ത് നടന്നത് മനുഷ്യക്കടത്തല്ലെന്നും അനധികൃത കുടിയേറ്റമെന്നും കൊച്ചി റേഞ്ച് ഐജി വിജയ് സാക്കറെ.മുനമ്പത്ത് നിന്നും 100 ലധികം ആളുകളെ വിദേശത്തേയ്ക്ക് അനധികൃതമായി കൊണ്ടുപോയ കേസിൽ ദയ മാത ബോട്ടിന്റെ ഉടമ അനിൽ കുമാർ അടക്കം 3 പേരുടെ അറസ്റ്റ് അന്വേഷണ സംഘം രേഖപ്പെടുത്തി.

പ്രതികൾക്കെതിരെ ചുമത്തിയിരിക്കുന്നത് എമിഗ്രേഷൻ ആക്ട് വ്യാജരേഖ ചമയ്ക്കൽ തുടങ്ങിയ വകുപ്പുകൾ. കൊച്ചിയിൽ നിന്നും മുൻപും ആളുകളെ അനധികൃതമായി മത്സ്യ ബന്ധന ബോട്ടിൽ വിദേശത്തേയ്ക്ക് കൊണ്ടുപോയിട്ടുള്ളതായി പ്രതി പ്രഭുവിന്റെ മൊഴി.