താമരശ്ശേരിയിൽ ഡിവൈഎഫ്‌ഐ ഓഫീസിന് തീയിട്ടു

താമരശ്ശേരി ടൗണിനോട് ചേർന്നുള്ള കയ്യേലിക്കല്‍ ഡിവൈഎഫ്ഐ ഓഫീസ് അഗ്നിക്കിരയാക്കി. സംസ്ഥാന സമ്മേളനത്തിന്റെ ഭാഗമായുള്ള സംഘാടക സമിതി ഓഫീസാണ് പുലര്‍ച്ചെ രണ്ടുമണിയോടെ അഗ്നിക്കിരയാക്കിയത്.

രാഷ്ട്രീയ സംഘര്‍ഷം പതിവായ ഇവിടെ നേരത്തെ സി പി എം പ്രവര്‍ത്തകന്റെ കട അഗ്നിക്കിരയാക്കിയിരുന്നു. തൊട്ടടുത്തുള്ള ബി ജെ പി അനുഭാവിയുടെ വീടിനുനേരെയും സി പി എം നേതാവിന്റെയും ബന്ധുവായ പോലീസ് ഉദ്യോഗസ്ഥന്റെയും വീടിനുനേരെയം ബോംബേറുണ്ടായിരുന്നു. മാസങ്ങള്‍ക്കു ശേഷമാണ് ഡി വൈ എഫ് ഐ ഓഫീസിന് തീ കൊളുത്തിയത്. താമരശ്ശേരി പോലീസ് സ്ഥലത്തെത്തി അന്വേഷണം ആരംഭിച്ചു