ശബരിമലയുമായി ബന്ധപ്പെട്ട വിവിധ ഹർജികൾ ഇന്ന് ഹൈക്കോടതി പരിഗണിക്കും

ശബരിമലയുമായി ബന്ധപ്പെട്ട വിവിധ ഹർജികൾ ഇന്ന് ഹൈക്കോടതി പരിഗണിക്കും. ശബരിമല ദർശനം നടത്താൻ പോലീസ് സുരക്ഷ ആവശ്യപ്പെട്ട് നാല് യുവതികൾ നൽകിയ ഹർജിയും ചിത്തിര ആട്ടവിശേഷത്തിനിടയിൽ പോലീസ് മർദ്ദിച്ചെന്ന് ആരോപിച്ച് തൃശ്ശൂർ സ്വദേശി നൽകിയ ഹർജിയും ഇന്ന് ഹൈക്കോടതിയുടെ പരിഗണനയ്ക്ക് വരും. കനകദുർഗയുടെയും ബിന്ദുവും ശബരിമല ദർശനം നടത്തിയത് സംബന്ധിച്ച പോലീസ് റിപ്പോർട്ടും കോടതി ഇന്ന് പരിഗണിക്കും. ഹൈക്കോടതി നിയോഗിച്ച നിരീക്ഷക സമിതിയുടെ അന്തിമ റിപ്പോർട്ടും ഇന്ന് കോടതിയുടെ പരിഗണനയ്‌ക്കെത്തും.