കുംഭമേളയിലെ ചടങ്ങുകളില്‍ പങ്കെടുത്ത് കുമ്മനം

പ്രയാഗ് രാജില്‍ കുംഭമേളയുടെ ഭാഗമായി നടന്ന സാംസ്‌ക്കാരിക പരിപാടികളില്‍ ഉദ്ഘാടകനായി മിസോറം ഗവര്‍ണര്‍ കുമ്മനം രാജശേഖരന്‍. കുംഭമേളയോടനുബന്ധിച്ച് ബാബ രാം ദേവിന്റെ നേതൃത്വത്തില്‍ നടത്തിയ യോഗാഭ്യാസങ്ങളുടെ ഉദ്ഘാടനം കുമ്മനം നിര്‍വഹിച്ചു.

പ്രയാഗ് രാജില്‍ നടന്ന സംഗം സംവാദിലും കുമ്മനമായിരുന്നു മുഖ്യാതിഥി. കുംഭമേളകളുടെ ഭാഗമായുള്ള സംവാദ വേദികള്‍ സമൂഹത്തെ നേരായ മാര്‍ഗ്ഗത്തിലേക്ക് നയിക്കുന്നതില്‍ പ്രധാന പങ്ക് വഹിക്കുന്നുണ്ടെന്ന് കുമ്മനം അഭിപ്രായപ്പെട്ടു.