റെയില്‍വെയ്ക്ക് 64000 കോടി

റെയില്‍വെ വികസനത്തിന് 64000 കോടി രൂപ അനുവദിച്ചു. രാജ്യത്ത് ബ്രോഡ് ഗേജ് റെയില്‍ പാതകളില്‍ ആളില്ലാ റെയില്‍ ക്രോസുകള്‍ പൂര്‍ണമായും ഇല്ലാതാക്കി.

Read More:ബജറ്റ്; അങ്കന്‍വാടി ജീവനക്കാരുടെ വേതനം അമ്പത് ശതമാനം കൂട്ടി

ബജറ്റിലെ മറ്റ് പ്രഖ്യാപനങ്ങള്‍

• ഗ്വാറ്റുവിറ്റി പരിധി 30ലക്ഷമാക്കി ഉയര്‍ത്തി നേരത്തെ ഇത് പത്ത് ലക്ഷം രൂപയായിരുന്നു
• അസംഘടിത മേഖലയിലെ തൊഴിലാളികള്‍ക്ക് പെന്‍ഷന്‍ പങ്കാളിത്ത പദ്ധതി. 500 കോടി ഇതിനായി വകയിരുത്തി. 3000രൂപയാണ് മാസപെന്‍ഷന്‍. 100രൂപ ഒരു മാസം നല്‍കണം. 60വയസ്സിന് ശേഷം പെന്‍ഷന്‍ ലഭിക്കും. ലോകത്തെ ഏറ്റവും വലിയ തൊഴിലാളി പെന്‍ഷന്‍ പദ്ധതിയാണിത്. പങ്കാളിത്ത പെന്‍ഷന്‍ പദ്ധതിയായാണ് ഇത് നടപ്പിലാക്കുന്നത്.
• ചെറുകിട വ്യവസായ സംരംഭകര്‍ക്ക് പലിശയില്‍ രണ്ട് ശതമാനം കുറവ്.
• തൊഴിലുറപ്പ് പദ്ധതിയ്ക്ക് 60,000 കോടി രൂപ
• ഇഎസ്‌ഐ പരിധി 21,000രൂപയാക്കി ഉയർത്തി
• പെൻഷൻ തുകയിൽ സർക്കാർ സംഭാവന കൂട്ടി പത്ത് ശതമാനത്തില്‍ നിന്ന് പതിനാലായാണ് ഉയര്‍ത്തിയത്.
• വനിതാ സംരംഭകർക്ക് മൂന്ന് ശതമാനം പലിശയിളവ്.
• തൊഴിലാളികള്‍ക്കുള്ള മിനിമം പെന്‍ഷന്‍ 1000രൂപയാക്കി.