സന്തോഷ് ട്രോഫിയില്‍ കേരളത്തിന് സാധ്യതകള്‍ മങ്ങുന്നു; രണ്ടാം മത്സരത്തിലും സമനില

സന്തോഷ് ട്രോഫി ഫുട്‌ബോളില്‍ ദക്ഷിണ മേഖല യോഗ്യത റൗണ്ടില്‍ തുടര്‍ച്ചയായ രണ്ടാം മത്സരത്തിലും കേരളത്തിന് ഗോള്‍രഹിത സമനില. പുതുച്ചേരിയ്‌ക്കെതിരെയാണ് കേരളം ഗോള്‍രഹിത സമനില വഴങ്ങിയത്. ആദ്യ പകുതിയില്‍ നാല് മികച്ച അവസരങ്ങള്‍ കേരളത്തിനെ തേടിയെത്തിയെങ്കിലും ഫിനിഷിങില്‍ വരുത്തിയ പിഴവുകള്‍ തിരിച്ചടിയായി.

തെലങ്കാനയ്‌ക്കെതിരായ ആദ്യ മത്സരത്തിലും കേരളത്തിന് ഗോളൊന്നും നേടാനാകാതെ സമനില വഴങ്ങേണ്ടി വന്നിരുന്നു. തുടര്‍ച്ചയായ രണ്ടാം സമനിലയോടെ കേരളത്തിന്റെ സാധ്യതകള്‍ക്ക് മങ്ങലേറ്റു കഴിഞ്ഞു. സര്‍വീസസ് ഇനിയുള്ള തുടര്‍ച്ചയായ രണ്ടു മത്സരങ്ങള്‍ പരാജയപ്പെട്ടെങ്കില്‍ മാത്രമേ കേരളത്തിന്  ഫൈനല്‍ റൗണ്ടിലേക്ക് പോകാന്‍ കഴിയുകയുള്ളു.