നരേന്ദ്ര മോദിക്കെതിരെ വിമര്ശനവുമായി കോണ്ഗ്രസ്; ഇന്ത്യക്കാരോട് സംവദിക്കേണ്ട പ്രധാനമന്ത്രി ബിജെപി പ്രവര്ത്തകരോട് സംസാരിച്ചു
ഇന്ത്യയും പാക്കിസ്താനും തമ്മിലുളള ഭിന്നത രൂക്ഷമായ സാഹചര്യത്തില് പ്രധാനമന്ത്രി നരേന്ദ്ര മോദിക്കെതിരെ വിമര്ശനവുമായി കോണ്ഗ്രസ്. ഈ സാഹചര്യത്തിലും തെരഞ്ഞെടുപ്പ് പ്രചാരണം നടത്തുന്നതിനെതിരെയാണ് വിമര്ശനവുമായി കോണ്ഗ്രസ് രംഗത്തെത്തിയത്.
പ്രശ്നങ്ങള്ക്കിടെ മോദി ബിജെപി പ്രവര്ത്തകരുമായി നടത്തിയ സംവാദമാണ് ഇപ്പോള് വിവാദമായിരിക്കുന്നത്. ലോകത്തെ ഏറ്റവും വലിയ വീഡിയോ കോണ്ഫറന്സ് എന്ന വിശേഷണത്തോടെയാണ് ബിജെപി മോദി സംവാദത്തെ മുന്നോട്ട് വെച്ചത്. ഓരോ ഇന്ത്യക്കാരനോടും പ്രധാനമന്ത്രി സംസാരിക്കേണ്ട സമയത്ത് അദ്ദേഹം ബിജെപി പ്രവര്ത്തകരുമായി സംവദിക്കുകയാണ് ചെയ്തതെന്ന് കോണ്ഗ്രസ് നേതാവ് മനീഷ് തിവാരി പറഞ്ഞു.
തങ്ങളുടെ തെരഞ്ഞെടുപ്പ് റാലിയും പ്രവര്ത്തക സമിതിയോഗം പോലും നിലവിലെ അവസ്ഥയിൽ മാറ്റി വച്ചു. പക്ഷേ വീഡിയോ കോണ്ഫറന്സിങ് നടത്തി റെക്കോഡ് ഇടാനാണ് ഈ സമയത്തും മോദിക്ക് തിടക്കുമെന്നും കോണ്ഗ്രസ് കുറ്റപ്പെടുത്തി. മോദിയുടെ വീഡിയോ കോണ്ഫറന്സിങ്ങിനെ ബിഎസ്പി നേതാവ് മായാവതിയും ദില്ലി മുഖ്യമന്ത്രി അരവിന്ദ് കെജ്രിവാളും വിമര്ശിച്ചിരുന്നു.
Read More:മോദിയുടെ വീഡിയോ കോണ്ഫറന്സ്: അണികള്ക്ക് പോലും ലജ്ജ തോന്നിയിട്ടുണ്ടാകുമെന്ന് അഖിലേഷ് യാദവ്
അതേ സമയം പ്രതിപക്ഷസഖ്യത്തെ മഹാമായം ചേരലെന്നാണ് ബിജെപി പ്രവര്ത്തകരുമായുള്ള സംവാദത്തില് പ്രധാനമന്ത്രി വിമര്ശിച്ചത്. ബിജെപി നേതൃത്വത്തിൽ കരുത്തുറ്റ സര്ക്കാരുണ്ടായാലുളള നേട്ടം ജനത്തെ ബോധ്യപ്പെടുത്തണമെന്ന് പാര്ട്ടി പ്രവര്ത്തകരെ പ്രധാനമന്ത്രി നരേന്ദ്രമോദി ഉപദേശിച്ചു.
പ്രതിപക്ഷ സഖ്യം എണ്ണയും വെള്ളവും ചേരും പോലെയാണെന്ന് ജനത്തിനറിയാമെന്നും ബിജെപി പ്രവർത്തകരുമായുള്ള മെഗാസംവാദത്തിനിടെ മോദി പറഞ്ഞു. അധികാരത്തിൽ വരാനല്ല, നിലനില്പിന് വേണ്ടിയാണ് ചെറു പാര്ട്ടികളെ ചേര്ത്ത് കോണ്ഗ്രസ് സഖ്യമുണ്ടാക്കുന്നതെന്നും മോദി പരിഹസിച്ചു.
Manish Tewari, Congress: Pakistan has been sponsoring a proxy war against India since 1979-1980. First recipient of that cross border terror using semi state actors was Punjab. For 15 long years Punjab suffered because of the terror unleashed by the ISI. pic.twitter.com/FxVbElcArW
— ANI (@ANI) February 28, 2019
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here