കാണാതായ യുവാവ് കത്തിക്കരിഞ്ഞ നിലയിൽ

അങ്ങാടിപ്പുറത്ത് സമീപം വലമ്പൂരിൽ നെച്ചിക്കുളത്ത് യുവാവിനെ കത്തിക്കരിഞ്ഞ നിലയിൽ കണ്ടെത്തി. വലമ്പൂർ നെല്ലിക്കളം മൂന്നാക്കൽ ഫഹ്ദ് (30) നെയാണ് കരിമല റോഡിന് സമീപം കുന്നിൻ ചരിവിൽ കത്തിക്കരിഞ്ഞ നിലയിൽ കണ്ടെത്തിയത്. വെള്ളിയാഴ്ച മുതൽ ഫഹദിനെ കാണാതായതാണ്. നാട്ടിൽ ചെറിയ കട നടത്തി വരികയായിരുന്നു. ഇന്ന് വൈകിട്ടാണ് മൃതദേഹം കണ്ടെത്തിയത്. മുന്നാക്കൽ അബൂബക്കർ ഹാജി – ജമീല ദമ്പതികളുടെ മകനാണ്. ഭാര്യ: ഷറഫീന. മകൻ: ഫനാൻ. മങ്കട പൊലീസ് മേൽനടപടികൾ സ്വീകരിച്ചു വരുന്നു.