ഷോപ്പിയാനില്‍ വീണ്ടും ഏറ്റുമുട്ടല്‍

ജമ്മു കശ്മീരിലെ ഷോപ്പിയാനിൽ വീണ്ടും ഏറ്റുമുട്ടൽ. ഇന്ന് പുലർച്ചെ നാലരയോടെയാണ് ആക്രമണം ഉണ്ടായത്. ഷോപ്പിയാനിലെ ഒരു വീട്ടിൽ ഒളിച്ചിരുന്ന ഭീകരരെ സുരക്ഷാ സേന വളഞ്ഞതിനെ തുടര്‍ന്നു ഭീകരര്‍ ആക്രമിക്കുകയായിരുന്നു. സൈന്യത്തിന് നേരെ ഭീകരര്‍ വെടിവെച്ചു.  സ്ഥലത്ത് ഏറ്റുമുട്ടൽ ഇപ്പോഴും തുടരുകയാണ്. ഷോപ്പിയാൻ ജില്ലയിലെ ഇമാം ഷഹാബ് മേഖലയിലെ ഒരു വീട്ടിൽ ഭീകരർ ഒളിച്ചിരിക്കുന്നെന്ന വിവരം കിട്ടിയതിനെത്തുടർന്നാണ് സുരക്ഷാ സേന പ്രദേശത്ത് എത്തിയത്.  മൂന്ന് ഭീകരർ വീട്ടിനുള്ളിലുണ്ടെന്നാണ് വിവരം.