ദുൽഖർ നിർമ്മാതാവാകുന്നു; ചിത്രം അണിയിച്ചൊരുക്കുക പുതുമുഖ സംവിധായകൻ

മലയാളത്തിൻ്റെ പ്രിയപ്പെട്ട നടൻ ദുൽഖർ സല്മാൻ നിർമ്മാതാവാകുന്നു. പുതുമുഖ സംവിധായകൻ ഷംസു സൈബയാണ് ചിത്രം അണിയിച്ചൊരുക്കുക. ​ഇനിയും പേരിട്ടിട്ടില്ലാത്ത ചിത്രത്തിലേക്ക് അഭിനേതാക്കളെ ക്ഷണിച്ചിട്ടുണ്ട്.

തൻ്റെ ഫേസ്ബുക്ക് പേജിലൂടെ ദുൽഖർ തന്നെയാണ് സിനിമ നിർമ്മാണത്തിൻ്റെ വിവരം അറിയിച്ചത്. തൻ്റെ ആദ്യ നിർമ്മാണ സംരംഭമാണിതെന്നറിയിച്ച ദുൽഖർ ബാനറിൻ്റെ പേര് ഉടൻ അറിയിക്കുമെന്നും പോസ്റ്റിൽ വിശദീകരിക്കുന്നു.

സിനിമയുടെ ചിത്രീകരണം മെയ് മാസത്തിൽ തുടങ്ങും. ഈ മാസം ഏപ്രിൽ 27നു മുൻപായി എൻട്രികൾ അയക്കണമെന്നാണ് സിനിമയുടെ അണിയറ പ്രവർത്തകർ അറിയിച്ചിരിക്കുന്നത്.