ചീഫ് ജസ്റ്റിസിനെതിരായ ലൈംഗികാരോപണം; സുപ്രീം കോടതിക്ക് മുന്നിൽ അഭിഭാഷകരുടെ പ്രതിഷേധം

സുപ്രീം കോടതി ചീഫ് ജസ്റ്റിസ് രഞ്ജൻ ഗൊഗോയ്‌ക്കെതിരായ ലൈംഗികാരോപണത്തിൽ സ്വതന്ത്രമായ അന്വേഷണമാവശ്യപ്പെട്ട് സുപ്രീം കോടതിക്ക് മുന്നിൽ അഭിഭാഷകരുടെ പ്രതിഷേധം. പ്ലക്കാർഡുകൾ ഉയർത്തിയാണ്  ഒരു വിഭാഗം അഭിഭാഷകർ പ്രതിഷേധിച്ചത്.  സുരക്ഷാ ജീവനക്കാരെത്തി ഇവരെ ഉടൻ തന്നെ  സ്ഥലത്തു നിന്നും മാറ്റി. പ്രതിഷേധത്തെ തുടർന്ന് കോടതി നടപടികൾ വൈകിയാണ് തുടങ്ങിയത്. നേരത്തെ സുപ്രീം കോടതി മുൻ ജീവനക്കാരിയാണ് സുപ്രീം കോടതി ചീഫ് ജസ്റ്റിസിനെതിരെ ലൈംഗികാരോപണം ഉന്നയിച്ചത്. എന്നാൽ ആരോപണങ്ങൾ ചീഫ് ജസ്റ്റിസ് നിഷേധിച്ചിരുന്നു.