ചെർപ്പുളശ്ശേരി പാർത്ഥൻ ചരിഞ്ഞു

കേരളത്തിലെ പ്രശസ്തരായ ആനകളിലൊന്നായ ചെർപ്പുളശ്ശേരി പാർത്ഥൻ (44) ചരിഞ്ഞു. തൃശൂർ പൂരത്തിന് കണിമംഗലം ശാസ്താവിന്റെ തിടമ്പേറ്റാറുള്ളത് പാർത്ഥൻ ആയിരുന്നു.
അസുഖത്തെ തുടർന്ന് ഏറെ നാളായി ചികിത്സയിലായിരുന്നു.

ചെർപ്പുളശ്ശേരി എസ്‌കെ തറവാട്ടിലെ ആനയാണ് ചെർപ്പുളശ്ശേരി പാർത്ഥൻ. ആന പ്രേമികളുടെ മനസിലെ എന്നും മായാത്ത മുഖമായി കഴിഞ്ഞു പാലക്കാടിന്റെ പാർത്ഥൻ. ചെർപ്പുളശ്ശേരിയെ കേരളത്തിന്റെ അറിയപ്പെടുന്ന ആനത്തറവാടാക്കാൻ മുഖ്യ പങ്കുവഹിച്ചത് പാർത്ഥൻ കൂടിയാണ്.