‘തൊണ്ട പൊട്ടി’ പ്രസംഗിച്ചു; സിദ്ദുവിന് പൂർണവിശ്രമം നിർദേശിച്ച് ഡോക്ടർമാർ

തുടർച്ചയായി തെരഞ്ഞെടുപ്പ് പ്രചാരണയോഗങ്ങളിൽ ബിജെപിക്കെതിരെ ആഞ്ഞടിച്ചിരുന്ന കോൺഗ്രസ് നേതാവ് നവ് ജ്യോത് സിങ് സിദ്ദുവിന്റെ തൊണ്ടയ്ക്ക് തകരാർ. തുടർച്ചയായ പ്രസംഗങ്ങളാണ് പ്രശ്‌നമായത്. ആശുപത്രിയിൽ ചികിത്സ തേടിയ സിദ്ദുവിന് തൊണ്ടയിൽ ഗുരുതരമായ പ്രശ്‌നങ്ങളുള്ളതായി കണ്ടെത്തി.

Navjot Singh Sidhu’s office: Navjot Singh Sidhu put on steroid medication and injections due to continuous speech damaging his vocal cords. At the moment Mr. Sidhu is under the medication & in process of a quick recovery to return-back to campaigning at the earliest. (file pic) pic.twitter.com/RI2mgML99l

— ANI (@ANI) May 13, 2019

ചുരുങ്ങിയത് മൂന്ന് ദിവസമെങ്കിലും പൂർണവിശ്രമം വേണമെന്ന് ഡോക്ടർമാർ നിർദേശിച്ചിട്ടുണ്ട്. കഴിഞ്ഞ ഒരു മാസത്തിനിടെ എൺപതിലധികം തെരഞ്ഞെടുപ്പ് വേദികളിലാണ് സിദ്ദു പ്രസംഗിച്ചത്. തെരഞ്ഞെടുപ്പിന്റെ ആദ്യഘട്ടം മുതലേ സിദ്ദു പ്രചാരണ രംഗത്ത് സജീവമായിരുന്നു. മെയ് 19 ന് അവസാന ഘട്ട വോട്ടെടുപ്പ് നടക്കുന്ന സംസ്ഥാനങ്ങളിലും സിദ്ദുവിന്റെ പ്രചാരണ പരിപാടികൾ നിശ്ചയിച്ചിട്ടുണ്ട്.