മെയ് 21 തീവ്രവാദ വിരുദ്ധ ദിനമായി ആചരിക്കാൻ സർവകലാശാലകൾക്ക് യുജിസി നിർദേശം

മെയ് 21 തീവ്രവാദ വിരുദ്ധ ദിനമായി ആചരിക്കാൻ സർവകലാശാലകൾക്ക് യുജിസിയുടെ നിർദേശം. തീവ്രവാദത്തിൽ നിന്നും യുവതലമുറയെ പിന്തിരിപ്പിക്കുന്നതിനും ഇതിനായി ബോധവത്കരണം നടത്തുന്നതിനുമായാണ് തീവ്രവാദ വിരുദ്ധ ദിനം ആചരിക്കുന്നതെന്ന് യുജിസി സർക്കുലർ പറയുന്നു.

തീവ്രവാദ വിരുദ്ധ ദിനം ആചരിക്കുന്നതുമായി ബന്ധപ്പെട്ട് കേന്ദ്ര ആഭ്യന്തര മന്ത്രാലയം പുറത്തിറക്കിയ കത്തിന്റെ അടിസ്ഥാനത്തിലാണ് യുജിസിയുടെ നിർദേശം. മെയ് 21 ന് തീവ്രവാദ വിരുദ്ധ സെമിനാറുകളും വീഡിയോ പ്രദർശനങ്ങളും നടത്താനും രാജ്യത്തെ സർവകലാശാലകൾക്ക് നൽകിയ സർക്കുലറിൽ യുജിസി ആവശ്യപ്പെട്ടിട്ടുണ്ട്.