കാന്‍ ചലച്ചിത്രോത്സവത്തിലെ പരമോന്നത പുരസ്‌കാരം പാം ദി ഓര്‍; കോമിക് ത്രില്ലര്‍ ചിത്രം പാരസൈറ്റിന്

കാന്‍ ചലചിത്രോത്സവത്തിലെ പരമോന്നത പുരസ്‌കാരം പാം ദി ഓര്‍ ഇത്തവണ കോമിക് ത്രില്ലര്‍ ചിത്രം പാരസൈറ്റിന്. ബോങ് ജൂന്‍ ഹോ സംവിധാനം ചെയ്യുന്ന ചിത്രം ഒരു ദരിദ്ര കുടുംബത്തിന്റെ കഥയാണ് പറയുന്നത്. പാം ദി ഓര്‍ നേടുന്ന ആദ്യ കൊറിയന്‍ സംവിധായകനാണ് ബോങ് ജൂന്‍ ഹോ. ഒരു സമ്പന്ന കുടുംബത്തില്‍ ജോലിക്കാരായ ദരിദ്ര കുടുംബത്തിന്റെ ജീവിതമാണ് പാരാസൈറ്റ് പറയുന്നത്.

ദൃശ്യപരമായി സമ്പന്നമായ ഒരു ആക്ഷേപഹാസ്യ ഡ്രാമ എന്നാണ് ദ ഗാര്‍ഡിയനിലെ നിരൂപകന്‍ പീറ്റര്‍ ബ്രാഡ്ഷാ പാരാസൈറ്റിനെ വിശേഷിപ്പിച്ചത്. 2017ല്‍ ഓക്ജയുമായാണ് ഒടുവില്‍ ബോങ് ജൂന്‍ ഹോ കാനിലെത്തിയത്. കൊറിയന്‍ സിനിമയ്ക്ക് കാന്‍ ഒരു മഹത്തായ അംഗീകാരം നല്‍കിയിരിക്കുകയാണ് ബോങ് പറഞ്ഞു.