സിറോ മലബാർ വ്യാജരേഖാക്കേസ്; വൈദികർ അന്വേഷണ സംഘത്തിന് മുന്നിൽ ഹാജരായി

സിറോ മലബാർ വ്യാജരേഖാക്കേസിൽ വൈദികർ ഇന്ന് അന്വേഷണ സംഘത്തിന് മുന്നിൽ ഹാജരായി. കോടതി നിർദേശ പ്രകാരമാണ് വൈദികർ ചോദ്യം ചെയ്യലിന് ഹാജരായത്. കേസിലെ പ്രതികളായ ഫാദർ പോൾ തേലക്കാട്ട്, ഫാദർ ടോണി കല്ലൂക്കാരൻ എന്നിവരാണ് ഹാജരായത്.

ആലുവ ഡിവൈഎസ്പി ഓഫീസിലാണ് ചോദ്യം ചെയ്യൽ പുരോഗമിക്കുന്നത്. വൈ ദികരുടെ നിർദേശപ്രകാരമാണ് മൂന്നാം പ്രതി ആദിത്യ വ്യാജരേഖകൾ നിർമിച്ചതെന്നാണ് പോലീസ് കണ്ടെത്തൽ. ഇരുവരും സമർപ്പിച്ച മുൻകൂർ ജാമ്യാപേക്ഷ പരിഗണിച്ച കോടതി അന്വേഷണവുമായി സഹകരിക്കാൻ നിർദേശിച്ച് ഇടക്കാല ഉത്തരവ് നൽകിയിരുന്നു. ചോദ്യം ചെയ്യലിന് 7 ദിവസത്തെ സമയമാണ് അന്വേഷണ സംഘത്തിന് അനുവദിച്ചിരിക്കുന്നത്. മുൻകൂർ ജാമ്യാപേക്ഷ വീണ്ടും പരിഗണിക്കുന്ന ജൂൺ 7 വരെ ഇവരുടെ അറസ്റ്റ് തടഞ്ഞിട്ടുണ്ട്.