ജോസ് കെ മാണി അനുകൂലികൾ കോട്ടയത്ത് പി.ജെ ജോസഫിന്റെയും മോൻസിന്റെയും കോലം കത്തിച്ചു

കേരള കോൺഗ്രസിലെ ജോസ് കെ മാണി അനുകൂലികൾ കോട്ടയത്ത് പി.ജെ ജോസഫിന്റെയും മോൻസ് ജോസഫിന്റെയും കോലം കത്തിച്ചു. ഗാന്ധി സ്‌ക്വയറിലേക്ക് പ്രകടനമായി എത്തിയാണ് കോലം കത്തിച്ചത്. ജോസ് കെ.മാണിയ്ക്കും റോഷി അഗസ്റ്റിനും അനുകൂല മുദ്രാവാക്യം വിളിച്ച നൂറോളം പ്രവർത്തകർ പരിപാടിയിൽ പങ്കെടുത്തു.

Read Also; പിടിമുറുക്കി പി.ജെ വിഭാഗം; കേരള കോൺഗ്രസ് ചെയർമാന്റെ ചുമതല പി.ജെ ജോസഫിനെന്ന് കാണിച്ച് തെരഞ്ഞെടുപ്പ് കമ്മീഷന് കത്ത് നൽകി

പ്രകടനത്തിൽ പങ്കെടുത്ത പ്രവർത്തകർ പി ജെ ജോസഫിനെതിരെ അസഭ്യ വർഷവും നടത്തി.  പാർട്ടി ചെയർമാൻ സ്ഥാനത്തെച്ചൊല്ലി കേരള കോൺഗ്രസിൽ ഒരാഴ്ചയോളമായി ഭിന്നത  രൂക്ഷമായിരിക്കുകയാണെങ്കിലും ഇതാദ്യമായാണ് പി.ജെ ജോസഫിനെതിരെ  പ്രവർത്തകർ പരസ്യമായി രംഗത്തു വരുന്നത്.