പ്രളയ ബാധിതർക്ക് പുതിയ വീടുണ്ടാക്കാൻ 4 ലക്ഷവും റീബിൽഡ് കേരളയുടെ ഓഫീസിന്റെ വാതിലിന് മാത്രം നാലര ലക്ഷവും; വിമർശനവുമായി ബൽറാം

റീബിൽഡ് കേരള ഓഫീസ് കെട്ടിടവുമായി ബന്ധപ്പെട്ട് സർക്കാരിനെതിരെ വിമർശനവുമായി വി.ടി ബൽറാം എംഎൽഎ. പ്രളയത്തിൽ വീട് തകർന്നവർക്ക് പുതിയ വീട് നിർമ്മിക്കാൻ സർക്കാർ നൽകുന്നത് വെറും നാല് ലക്ഷം രൂപയാണെന്നും റീബിൽഡ് കേരളയുടെ ഓഫീസിന്റെ വാതിലിന് മാത്രം 4,57,000 രൂപയാണെന്നും വി.ടി ബൽറാം ഫേസ്ബുക്ക് പോസ്റ്റിൽ പറയുന്നു. ഒരു പ്രത്യേകതരം ജനകീയ സർക്കാരാണ് നമ്പർ വൺ കേരളത്തിലേതെന്നും ബൽറാം ഫേസ്ബുക്ക് കുറിപ്പിൽ പറയുന്നുണ്ട്.