അനസ് തിരിച്ചു വരുന്നു; ഇന്റർ കോണ്ടിനന്റൽ കപ്പിൽ ബൂട്ടണിയും

ഏഷ്യൻ കപ്പിൽ ഇന്ത്യക്കേറ്റ തിരിച്ചടിക്ക് പിന്നാലെ വിരമിക്കൽ പ്രഖ്യാപിച്ച അനസ് എടത്തൊടിക തിരിച്ചുവരുന്നു. ഈ വർഷത്തെ ഇന്റർ കോണ്ടിനന്റൽ കപ്പിനായുള്ള ഇന്ത്യയുടെ സാധ്യതാ ടീം പ്രഖ്യാപിച്ചതോടെയാണ് അനസിന്റെ മടങ്ങി വരവ് ഉറപ്പായത്. പരിശീലകൻ സ്റ്റിമാചാണ് സാധ്യത ടീമിനെ പ്രഖ്യാപിച്ചത്.

ഇന്ന് പ്രഖ്യാപിച്ച 35 അംഗ സാധ്യതാ ടീമിൽ അനസിനെയും ഉൾപ്പെടുത്തിയിട്ടുണ്ട്. ജൂൺ 25ന് ആരംഭിക്കുന്ന ക്യാമ്പിൽ അനസും ടീമിനൊപ്പം ചേരും. ക്യാമ്പിനൊടുവിൽ അന്തിമ ടീമിൽ ഇടം പിടിക്കാനായാൽ മലയാളികളുടെ ഇഷ്ടതാരമായ ഈ മലപ്പുറം കൊണ്ടോട്ടിക്കാരനെ ഇന്ത്യൻ ജേഴ്‌സിയിൽ വീണ്ടും കാണാം.