വായു ചുഴലിക്കാറ്റ് ഒമാൻ തീരത്തേക്ക് സഞ്ചരിക്കുന്നു : കാലാവസ്ഥ നീരീക്ഷണ കേന്ദ്രം

വായു ചുഴലിക്കാറ്റ് ഗുജറാത്ത് തീരം വിട്ട് ഒമാൻ തീരത്തേക്ക് സഞ്ചരിക്കുന്നതായി കാലാവസ്ഥ നീരീക്ഷണ കേന്ദ്രം. വടക്ക് പടിഞ്ഞാറൻ ദിശയിലാണ് കാറ്റിന്റെ സഞ്ചാരം.

പാക് തീരം ലക്ഷ്യമിട്ട് നീങ്ങിയ കാറ്റിന് വീണ്ടും ദിശമാറ്റം ഉണ്ടായെന്നാണ് വിവരം. വായുവിന്റെ പ്രഭാവത്തിൽ ഗുജറാത്തിന്റെ തീര മേഖലകളിൽ ശക്തമായ മഴയും കാറ്റും തുടരുകയാണ്. 24 മണിക്കൂർ കൂടി കാറ്റും മഴയും തുടരാനാണ് സാധ്യത.

തീരങ്ങളിൽ നൽകിയ ജാഗ്രതാ നിർദേശം നാളെ രാവിലെ എട്ട് മണിവരെ തുടരുമെന്ന് ഗുജറാത്ത് മുഖ്യമന്ത്രി വിജയ് രൂപാണി അറിയിച്ചു.