സാഹിത്യകാരൻ യുഎ ഖാദറിന്റെ ചികിത്സാ ചിലവ് സർക്കാർ ഏറ്റെടുക്കും

സാഹിത്യകാരൻ യുഎ ഖാദറിന്റെ ചികിത്സാ ചിലവ് സർക്കാർ ഏറ്റെടുക്കുമെന്ന് മന്ത്രി ടിപി രാമകൃഷ്ണൻ.  മുഖ്യമന്ത്രിയുടെ നിർദ്ദേശ പ്രകാരമാണ് സന്ദർശനമെന്നും മന്ത്രി പറഞ്ഞു.

ഇന്ന് രാവിലെ മന്ത്രിമാരായ ടി.പി രാമകൃഷ്ണൻ ,എ.കെ ശശീന്ദ്രൻ എന്നിവർ യു.എ ഖാദറിന്റെ വീട്ടിൽ സന്ദർശനം നടത്തിയിരുന്നു. ഇതിന് പിന്നാലെയാണ് അദ്ദേഹത്തിന്റെ ചികിത്സാ ചിലവുകൾ സർക്കാർ ഏറ്റെടുക്കുമെന്ന് മന്ത്രി അറിയിക്കുന്നത്.

കഴിഞ്ഞ കുറച്ച് നാളുകളായി വാർധക്യസഹജമായ അസുഖത്തെ തുടർന്ന് അദ്ദേഹം ചികിത്സയിലാണ്. ഇതിന്റെ അടിസ്ഥാനത്തിലാണ് മന്ത്രിമാർ യു.എ ഖാദറിന്റെ കോഴിക്കോട് പൊക്കുന്നിൽ ഉള്ള വീട്ടിൽ സന്ദർശനം നടത്തിയത്.