കണ്ണൂർ സെൻട്രൽ ജയിലിൽ റെയ്ഡ്; കഞ്ചാവും ആയുധങ്ങളും മൊബൈൽ ഫോണും പിടിച്ചെടുത്തു

കണ്ണൂർ സെൻട്രൽ ജയിലിൽ റെയ്ഡ്. ഋഷിരാജ് സിംഗിന്റെ നേതൃത്വത്തിൽ പുലർച്ചെ നാല് മണിയോടെയായിരുന്നു മിന്നൽ പരിശോധന നടന്നത്. കഞ്ചാവും മൊബൈൽ ഫോണുകളും ആയുധങ്ങളും റെയ്ഡിൽ പിടിച്ചെടുത്തു.മൂന്ന് കത്തി, മൂന്ന് മൊബൈൽ ഫോണുകൾ, സിം കാർഡ് എന്നിവയാണ് പിടിച്ചെടുത്തത്.

കണ്ണൂർ സെൻട്രൽ ജയിലിന്റെ പ്രവർത്തനം സിപിഎമ്മിന്റെ നിയന്ത്രണത്തിലാണ് എന്ന ആരോപണങ്ങൾ ഉയർന്ന പശ്ചാത്തലത്തിലാണ് റെയ്ഡ് നടത്തിയത്. ഒരു ജയിലിൽ നടക്കാൻ പാടില്ലാത്ത കാര്യങ്ങൾ കണ്ണൂർ സെൻട്രൽ ജയിലിൽ നടക്കുന്നുവെന്ന് ആക്ഷേപങ്ങൾ നേരത്തെ ഉയർന്നിരുന്നു.