കസാഖിസ്ഥാനിൽ മലയാളികളടക്കം 150 ഇന്ത്യക്കാർ കുടുങ്ങിക്കിടക്കുന്നുവെന്ന് റിപ്പോർട്ട്
കസാഖിസ്ഥാനിൽ 150 ഇന്ത്യക്കാർ കുടുങ്ങിക്കിടക്കുന്നതായി റിപ്പോർട്ട്. തൊഴിലാളികൾ തമ്മിലുള്ള സംഘർഷത്തെ തുടർന്നാണ് ഇവർ ടെങ്കിസ് എണ്ണപ്പാടത്തു കുടുങ്ങിയെന്നാണു വിവരം.
ഇവരിൽ മലയാളി തൊഴിലാളികളും ഉൾപ്പെടുന്നതായാണു സൂചന. പ്രാദേശിക തൊഴിലാളികൾ വിദേശികളെ ആക്രമിച്ചതാണു സംഘർഷത്തിനു കാരണമായത്. ഇവിടെനിന്നു രക്ഷപ്പെടാൻ മാർഗമില്ലെന്നു മലയാളികൾ അറിയിച്ചതായി മാധ്യമങ്ങൾ റിപ്പോർട്ട് ചെയ്യുന്നു.
വിഷയത്തിൽ കേന്ദ്രസർക്കാർ ഇടപെട്ടതായും ഇന്ത്യക്കാരുടെ സുരക്ഷ ഉറപ്പാക്കാൻ വേണ്ട നടപടികൾ സ്വീകരിക്കുമെന്നും വിദേശകാര്യ സഹമന്ത്രി വി. മുരളീധരൻ അറിയിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here