കർണാടക നിയമസഭാ സമ്മേളനം ഇന്ന് പുനരാരംഭിക്കും

രാഷ്ട്രീയ നാടകങ്ങൾക്കിടെ കർണാടക നിയമസഭാ സമ്മേളനം ഇന്ന് പുനരാരംഭിക്കും. വിശ്വാസവോട്ടെടുപ്പ് ഇന്ന് തന്നെ നടത്തണമെന്ന് ബിജെപി ആവശ്യപ്പെട്ടു. വിമതരുടെ രാജി അംഗീകരിക്കാതെ സഭാ നടപടികൾ നടത്താൻ അനുവദിക്കേണ്ടെന്ന നിലപാടിലാണ് ബിജെപി.

അതേസമയം, വിമത എംഎൽഎമാരെ അനുനയിപ്പിക്കാനുള്ള നീക്കവുമായി മുതിർന്ന കോൺഗ്രസ് നേതാക്കൾ ഇന്ന് മുംബൈയ്ക്ക് തിരിക്കും. ഗുലാംനബി ആസാദും മല്ലികാർജുൻ ഖാർഗെയും എച്ച്ഡി ദേവഗൗഡയുമാണ് മുംബൈക്ക് പോകുന്നത്. അതേ സമയം സുരക്ഷതേടി വിമത എംഎൽഎമാർ പൊലീസിനെ സമീപിച്ചു.