കർക്കിടക മാസ പൂജകൾക്കായി ശബരിമല നട നാളെ തുറക്കും

കർക്കിടക മാസ പൂജകൾക്കായി ശബരിമല നട ചൊവ്വാഴ്ച തുറക്കും. വൈകീട്ട് അഞ്ചിന് തന്ത്രി കണ്ഠര് രാജീവരുടെ കാർമ്മികത്വത്തിൽ മേൽശാന്തി നട തുറന്ന് ദീപം തെളിയിക്കും. കർക്കിടകം ഒന്നായ ബുധനാഴ്ച രാവിലെ തന്ത്രി കണ്ഠര് രാജീവരുടെ മുഖ്യകാർമ്മികത്വത്തിൽ മഹാഗണപതി ഹോമം, 7.30 ന് ലക്ഷാർച്ചന എന്നിവ നടക്കും. പൂജകൾ പൂർത്തിയാക്കി 21 നാണ് നട അടയ്ക്കുക. തിരക്ക് നിയന്ത്രിക്കുന്നതിനായി സന്നിധാനത്ത് പ്രത്യേക പൊലീസ് ക്രമീകരണം ഏർപ്പെടുത്തിയിട്ടുണ്ട്.