ദുരിതബാധിതർക്കുള്ള അടിയന്തര ധനസഹായം സർക്കാർ നാളെ പ്രഖ്യാപിക്കും

ദുരിതാശ്വാസ ക്യാമ്പുകളിൽ നിന്ന് വീടുകളിലേക്ക് പോകുന്നവർക്ക് നൽകുന്ന നഷ്ടപരിഹാര തുകയുടെ കാര്യത്തിൽ സർക്കാർ നാളെ തീരുമാനമെടുക്കുമെന്ന് മന്ത്രി വി എസ് സുനിൽകുമാർ. കഴിഞ്ഞ പ്രളയത്തിൽ ഇനിയും ലഭ്യമാകാനുള്ള ആനുകൂല്യങ്ങൾ രണ്ടാഴ്ച കൊണ്ട് വിതരണം ചെയ്യാൻ നടപടി ഉണ്ടാകുമെന്നും മന്ത്രി പറഞ്ഞു.

സ്വകാര്യ ക്യാമ്പുകളും സ്വകാര്യ കളക്ഷൻ സെന്ററുകളും അനുവദിക്കില്ല. എറണാകുളം ജില്ലയിലെ ദുരിതാശ്വാസ പ്രവർത്തനങ്ങൾ മികച്ച രീതിയിൽ മുന്നോട്ട് പോകുന്നുവെന്നും മന്ത്രി പറഞ്ഞു.