മൂന്ന് ദിവസം കൂടി കനത്ത മഴ തുടരും

അറബിക്കടലില്‍ രൂപംകൊണ്ട ന്യൂനമര്‍ദ്ദത്തെ തുടര്‍ന്ന് കേരളത്തില്‍ മൂന്നുദിവസം ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണകേന്ദ്രം. ഇതേ തുടര്‍ന്ന് മൂന്നു ജില്ലകളിൽ റെഡ് അലെർട്ടും 9 ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചു. തെക്ക്-പടിഞ്ഞാറന്‍ ദിശയില്‍ നിന്ന് മണിക്കൂറില്‍ 55 കിലോമീറ്റര്‍ വരെ വേഗതയില്‍ കാറ്റു വീശാന്‍ സാധ്യതയണ്ടെന്ന് മുന്നറിയിപ്പുമുണ്ട്. മലപ്പുറം, കോഴിക്കോട് ജില്ലകളിൽ നാളെ റെഡ് അലെർട് പ്രഖ്യാപിച്ചു.

Read Also : കനത്ത മഴ; സംസ്ഥാനത്തെ 11 ജില്ലകളിൽ ഓറഞ്ച് അലേർട്ട്

വടക്കു കിഴക്കന്‍ ബംഗാള്‍ ഉള്‍ക്കടലില്‍ രൂപപെട്ടിരിക്കുന്ന ന്യൂനമര്‍ദ്ദത്തിന്റെ ഫലമായി അടുത്ത 12 മണിക്കൂറിനുള്ളില്‍ സംസ്ഥാനത്ത് ശക്തമായ മഴയുണ്ടാകുമെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇന്നു മുതല്‍ മൂന്നു ദിവസം ശക്തമായ മഴ ലഭിക്കും. ന്യൂനമര്‍ദ്ദം വടക്കുപടിഞ്ഞാറന്‍ ദിശയിലേക്ക് സഞ്ചരിക്കുമെന്നാണ് കണക്കാക്കുന്നത്. തെക്കന്‍ കേരളത്തിലാകും ആദ്യദിനങ്ങളില്‍ ശക്തമായ മഴ ഇതിന്റെ ഫലമായി ഉണ്ടാകുന്നത്. ആലപ്പുഴ, ഇടുക്കി, എറണാകുളം ജില്ലകളില്‍ ശക്തമായ മഴയക്ക് സാധ്യതയുണ്ട്. ഈ ജില്ലകളിൽ ഇന്ന് റെഡ് അലർട് പ്രഖ്യാപിച്ചു. കഴിഞ്ഞ ദിവസങ്ങളിൽ മഴ മാറി നിന്ന തെക്കൻ ജില്ലകളിൽ ഇന്ന് രാവിലെ മുതൽ മഴ ലഭിച്ചു തുടങ്ങി.

അടുത്ത ദിവസം മഴ മധ്യ കേരളത്തിലേക്ക് മാറും. വടക്കന്‍ ജില്ലകളിലും ഒറ്റപ്പെട്ട അറബിക്കടലില്‍ ശക്തമായ കാറ്റ് വീശാന്‍ സാധ്യതയുണ്ട്. തെക്കന്‍ ജില്ലകളില്‍ ശക്തമായ ഇടിയോട് കൂടിയ മഴയുണ്ടാകുമെന്നാണ് കണക്കാക്കുന്നത്. കേരള തീരത്ത് ഉയര്‍ന്ന തിരമാലയ്ക്ക് സാധ്യതയുണ്ടന്നും അതിനാല്‍ മത്സ്യതൊഴിലാളികള്‍ കടലില്‍ പോകരുതെന്നും നിര്‍ദ്ദേശം നല്‍കി. 9 ജില്ലകളിൽ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. ഉരുള്‍പൊട്ടല്‍ സാധ്യതയുള്ള പ്രദേശങ്ങളില്‍ താമസിക്കുന്നവര്‍ മാറി താമസിക്കണമെന്ന് ദുരന്തനിവാരണ അതോറിറ്റി അറിയിച്ചു.