കേരളത്തിലെ രണ്ട് ജില്ലകളിൽ നാളെ ഓറഞ്ച് അലേർട്ട്

കേരളത്തിലെ രണ്ട് ജില്ലകളിൽ നാളെ ഓറഞ്ച് അലേർട്ട്. ഇടുക്കി, തൃശൂർ ജില്ലകളിലാണ് നാളെ ഓറഞ്ച് അലേർട്ട് പ്രഖ്യാപിച്ചിരിക്കുന്നത്.

മധ്യകേരളത്തിലും വടക്കൻ കേരളത്തിലും ശക്തമായ മഴയ്ക്ക് സാധ്യതയെന്നും കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പുണ്ട്. ഈ ജില്ലകളിൽ ശക്തിയായതൊ, അതിശക്തമായതൊ ആയ മഴ ലഭിക്കും.

Read Also : ഉത്തരേന്ത്യയില്‍ മഴക്കെടുതില്‍ മരിച്ചവരുടെ എണ്ണം 82 ആയി

കോട്ടയം, എറണാകുളം, പാലക്കാട്, മലപ്പുറം, കോഴിക്കോട് ജില്ലകളിൽ ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കുന്നത്. ഈ ജില്ലകളിൽ നാളെയല്ലോ അലേർട്ട് പ്രഖ്യാപിച്ചിട്ടുണ്ട്. സർക്കാർ സംവിധാനങ്ങളും പൊതുജനങ്ങളും ജാഗ്രത പാലിക്കണമെന്നും സംസ്ഥാനത്ത് ഒറ്റപ്പെട്ട ശക്തമായ മഴ വെള്ളിയാഴ്ച്ചയും തുടർന്നേക്കുമെന്നും കാലാവസ്ഥാ കേന്ദ്രം അറിയിച്ചു.

എന്നാൽ മത്സ്യതൊഴിലാളികൾക്ക് കടലിൽ പോകുന്നതിന് തടസ്സമില്ലെന്ന് കാലാവസ്ഥാ കേന്ദ്രം പറഞ്ഞു.