ബംഗാളിൽ ശ്രീകൃഷ്ണ ജയന്തി ആഘോഷത്തിനിടെ ക്ഷേത്രത്തിന്റെ മതിലിടിഞ്ഞ് വീണ് 6 മരണം

പശ്ചിമ ബംഗാളിലെ നോർത്ത് 24 പർഗാന ജില്ലയിൽ ക്ഷേത്രത്തിന്റെ മതിൽ ഇടിഞ്ഞ് വീണ് 6 പേർ മരിച്ചു. പരിക്കേറ്റ 26 പേർ ആശുപത്രിയിൽ ചികിത്സയിലാണ്. നോർത്ത് 24 പർഗാന ജില്ലയിലെ കച്ചുവയിൽ ഇന്ന് രാവിലെയായിരുന്നു സംഭവം.ശ്രീകൃഷ്ണ ജയന്തി ആഘോഷത്തിനായി എത്തിയവരാണ് അപകടത്തിൽപ്പെട്ടത്. മരിച്ചവരുടെ കുടുംബത്തിന് മുഖ്യമന്ത്രി മമത ബാനർജി 5 ലക്ഷം രൂപ നഷ്ടപരിഹാരം പ്രഖ്യാപിച്ചു. ഗുരുതരമായി പരിക്കേറ്റവർക്ക് ഒരു ലക്ഷവും സാരമായി പരിക്കേറ്റവർക്ക് ചികിത്സാ സഹായമായി 50000 രൂപയും നൽകും.

#UPDATE West Bengal: 6 dead after a wall of a temple, where people were gathering to celebrate #Janmastami, collapsed in Kachua, North 24 Pargana, earlier today. https://t.co/i7J9WOCyEr

— ANI (@ANI) August 23, 2019