അഷ്ടമിരോഹിണി വള്ളസദ്യ ആറന്മുള പാര്‍ത്ഥസാരഥി ക്ഷേത്രത്തില്‍ നടന്നു

ആറന്മുള പാര്‍ത്ഥസാരഥി ക്ഷേത്രത്തില്‍ അഷ്ടമിരോഹിണി വള്ളസദ്യ നടന്നു. 52 കരകളില്‍ നിന്നു പള്ളിയോടങ്ങളാണ് വള്ളസദ്യയില്‍ പങ്കെടുത്തത്. അഷ്ടമിരോഹിണി നാളില്‍ പമ്പാനദിയില്‍ പള്ളിയോടങ്ങളുടെ പൂരമാണ്. 52 കരകളില്‍ നിന്നുള്ള പള്ളിയോടങ്ങള്‍ വഞ്ചിപ്പാട്ടിന്റെ താളത്തില്‍ തുഴയെറിഞ്ഞ് പാര്‍ത്ഥസാരഥി ക്ഷേത്രത്തില്‍ വളള സദ്യക്കായി എത്തി.

സാധാരണ ദിനങ്ങളില്‍ വഴിപാടുക്കാര്‍ക്കു മാത്രമായാണ് വള്ളസദ്യ നടക്കുന്നത്. അഷ്ടമിരോഹിണി നാളില്‍ മാത്രം സമൂഹസദ്യയായാണ് വള്ളസദ്യ വിളമ്പുന്നത്.
ജാതി-മത  ഭേദമന്യേ നിരവധി ആളുകളാണ് വള്ളസദ്യക്കായി എത്തിയത്. 300 പറ അരിയും അറുപതിലേറെ വിഭവങ്ങളുമാണ് ഇത്തവണ വള്ള സദ്യക്കായി തയ്യറാക്കിയത്.