കൊങ്കൺ വഴിയുള്ള ട്രെയിൻ ഗതാഗതം പുന:സ്ഥാപിച്ചു

പാളത്തിൽ മണ്ണിടിഞ്ഞു വീണതിനെ തുടർന്ന് തടസ്സപ്പെട്ടിരുന്ന കൊങ്കൺ വഴിയുള്ള ട്രെയിൻ ഗതാഗതം പുന:സ്ഥാപിച്ചു. വൈകീട്ട് നാലരയോടെയാണ് ഇതുവഴി ട്രെയിനുകൾ ഓടിത്തുടങ്ങിയത്. പുതിയ ട്രാക്കിലൂടെയാണ് സർവീസ് ആരംഭിച്ചിരിക്കുന്നത്. ഇടിഞ്ഞു വീണ ഭാഗത്തെ മണ്ണ് മാറ്റാനുള്ള ശ്രമങ്ങൾ നാല് ദിവസമായും പൂർത്തിയാക്കാൻ സാധിക്കാതെ വന്നതോടെയാണ് പുതിയ ട്രാക്കിനായുള്ള തീരുമാനമെടുത്തത്.

Read Also; സോയില്‍ പൈപ്പിംഗ് കണ്ടെത്തിയ സ്ഥലങ്ങള്‍ നിരീക്ഷിക്കാന്‍ സോയില്‍ കണ്‍സര്‍വേഷന്‍ വകുപ്പിനെ ചുമതലപ്പെടുത്തി

പരിശോധനയ്ക്ക് ശേഷം ഉച്ചയോടെ പുതിയ പാതയ്ക്ക് ഫിറ്റ്‌നസ് നൽകുകയായിരുന്നു. മംഗള എക്‌സ്പ്രസ്സാണ് പുതിയ പാതയിലൂടെ ആദ്യം കടന്നു പോയത്. ഒരാഴ്ച മുമ്പാണ്‌ കനത്ത മഴയിൽ മണ്ണിടിച്ചിൽ ഉണ്ടായതിനെ തുടർന്ന് കൊങ്കൺ പാത വഴിയുള്ള റെയിൽ ഗതാഗതം റദ്ദാക്കിയത്. മംഗളുരുവിലെ കുലശേഖരയിൽ 400 മീറ്റർ ഭാഗത്താണ് പുതിയ ട്രാക്ക് നിർമ്മിച്ചിരിക്കുന്നത്.