മുത്തൂറ്റ് തൊഴിൽ തർക്കം; ടിപി രാമകൃഷ്ണന്റെ അധ്യക്ഷതയിൽ നടന്ന ചർച്ച പരാജയപ്പെട്ടു

മുത്തൂറ്റ് തൊഴില്‍ തര്‍ക്കം പരിഹരിക്കാന്‍ മന്ത്രി ടിപി രാമകൃഷ്ണന്റെ അധ്യക്ഷതയില്‍ നടന്ന ചര്‍ച്ച പരാജയപ്പെട്ടു. യൂണിയന്‍ സഹകരണാത്മക നിലപാട് സ്വീകരിച്ചെങ്കിലും  മാനേജമെന്റ് സഹകരിക്കാന്‍ തയ്യാറായില്ലെന്ന് മന്ത്രി ടിപി രാമകൃഷ്ണന്‍ പറഞ്ഞു.

മിനിമം വേതനത്തില്‍ ഹൈക്കോടതി വിധി വരും വരെ തത്ക്കാലിക വര്‍ധനവ് നല്‍കണമെന്നും ചര്‍ച്ചയില്‍ ആവശ്യപ്പെട്ടു. അതേ സമയം,മാനേജ്‌മെന്റ് പഴയ നിലപാടില്‍ തന്നെ ഉറച്ച് നില്‍ക്കുകയാണ്. ശമ്പളത്തില്‍ താല്‍ക്കാലിക വര്‍ധന അനുവദിക്കണം എന്ന ആവശ്യവും മാനേജ്‌മെന്റ് അംഗീകരിച്ചില്ലെന്നും മന്ത്രി പറഞ്ഞു. ഇതു മൂന്നാം തവണയാണ് മന്ത്രിയുടെ സാന്നിധ്യത്തില്‍ പ്രശ്‌ന പരിഹാരത്തിനായി ചര്‍ച്ച നടക്കുന്നത്.