ചിന്മയാനന്ദിന്റെയും പെൺകുട്ടിയുടെയും ജാമ്യാപേക്ഷകൾ തള്ളി

നി​യ​മ​വി​ദ്യാ​ര്‍​ഥി​നി​യെ പീ​ഡി​പ്പി​ച്ച കേ​സി​ല്‍ അ​റ​സ്റ്റി​ലാ​യ ബി​ജെ​പി നേ​താ​വ് ചി​ന്മ​യാ​ന​ന്ദി​ൻ്റെയും പരാതിക്കാരിയായ പെ​ണ്‍​കു​ട്ടി​യു​ടെയും ജാ​മ്യാ​പേ​ക്ഷ​കൾ കോ​ട​തി ത​ള്ളി. യു​പി​യി​ലെ ജി​ല്ലാ കോ​ട​തി​യാ​ണ് ഇരുവരും സ​മ​ർ​പ്പി​ച്ച ജാ​മ്യാ​പേ​ക്ഷകൾ ത​ള്ളി​യ​ത്. ചിന്മ​യാ​ന​ന്ദി​ല്‍​നി​ന്ന് പ​ണം ത​ട്ടാ​ന്‍ ശ്ര​മി​ച്ചെ​ന്ന കേ​സി​ലാണ് പരാതിക്കാരിയായ 23 വയസ്സുകാരിയെ അറസ്റ്റ് ചെയ്തത്.

സെപ്തംബർ 20ന് അ​റ​സ്റ്റി​ലാ​യ ചി​ന്മ​യാ​ന​ന്ദ് ഇ​പ്പോ​ൾ ആ​ശു​പ​ത്രി​യി​ൽ ക​ഴി​യു​ക​യാ​ണ്. ഇയാൾക്ക് കുറഞ്ഞ രക്തസമ്മർദ്ദവും നെഞ്ചു വേദനയുമുണ്ടെന്നാണ് ആശുപത്രി അധികൃതർ പറയുന്നത്. ലൈം​ഗി​ക പീ​ഡ​ന​ത്തി​നാ​യി അ​ധി​കാ​ര ദു​ര്‍​വി​നി​യോ​ഗം ന​ട​ത്തി​യെ​ന്ന കു​റ്റ​മാ​ണ് പോ​ലീ​സ് ചി​ന്മ​യാ​ന​ന്ദി​നു മേ​ൽ ചു​മ​ത്തി​യി​രു​ന്ന​ത്.

ക​ഴി​ഞ്ഞ​യാ​ഴ്ച​യാ​ണ് ചി​ന്മ​യാ​ന​ന്ദി​ന്‍റെ പ​രാ​തി​യി​ല്‍ പെ​ൺ​കു​ട്ടി​യെ പോ​ലീ​സ് അ​റ​സ്റ്റ് ചെ​യ്ത​ത്. പെൺകുട്ടി ചിന്മയാനന്ദിൽ നിന്ന് 5 കോടി രൂപ തട്ടാൻ ശ്രമിച്ചെന്നായിരുന്നു പരാതി. കേ​സി​ല്‍ പെ​ണ്‍​കു​ട്ടി കു​റ്റം സ​മ്മ​തി​ച്ചെ​ന്ന് പ്ര​ത്യേ​ക അ​ന്വേ​ഷ​ണ​സം​ഘം അ​റി​യി​ച്ചി​രു​ന്നു.