‘ജോസ് കെ മാണി നിലവിൽ പാർട്ടിയിലില്ല’; ജോസ് കെ മാണിക്കെതിരെ ആഞ്ഞടിച്ച് പിജെ ജോസഫ്

ജോസ് കെ മാണിക്കെതിരെ ആഞ്ഞടിച്ച് പി.ജെ ജോസഫ്. ജോസ് കെ മാണി നിലവിൽ പാർട്ടിയിലില്ല. പാലായിൽ തനിക്ക് അണികളുണ്ടെന്ന് തെളിയിക്കുമെന്നും പി.ജെ ജോസഫ് മഞ്ചേശ്വരത്ത് പറഞ്ഞു.

ജോസ് കെ മാണി വിഭാഗവുമായി അനുനയ സാധ്യതകളില്ലെന്ന് ഇതോടെ പ്രഖ്യാപിച്ചിരിക്കുകയാണ് പി.ജെ ജോസഫ്. ജോസ് കെ മാണിക്കൊപ്പമുള്ള അണികളും കൊഴിയുകയാണ്. പാലായിൽ ജോസഫ് ശക്തിപ്രകടനം നടത്തും. നൂറ് കുടുംബയോഗങ്ങളും സംഘടിപ്പിക്കും.

Read Also : ‘ജോസ് കെ മാണിക്ക് ചെയർമാൻ സ്ഥാനത്തോടുള്ള ആർത്തി അവസാനിപ്പിച്ചാൽ തീരുന്ന പ്രശ്‌നമേ പാർട്ടിയിലുള്ളൂ’; തോമസ് ഉണ്ണിയാടൻ

പാലായിൽ ജയസാധ്യതയും സ്വീകാര്യതയുമില്ലാത്ത സ്ഥാനാർത്ഥിയെ നിർത്തിയതുകൊണ്ടാണ് യുഡിഎഫ് പരാജയപ്പെട്ടതെന്നും പി.ജെ ജോസഫ് കൂട്ടിച്ചേർത്തു.