Advertisement

മാവോയിസ്റ്റുകളുടെ കൊലപ്പെടുത്തിയത് വാളയാർ കേസിൽ നിന്നു ജനശ്രദ്ധ തിരിക്കാനെന്ന് പാ​ല​ക്കാ​ട് എം​പി വികെ ശ്രീ​ക​ണ്ഠ​ൻ

October 31, 2019
Google News 1 minute Read

അട്ടപ്പാടിയിൽ മാവോയിസ്റ്റുകളെ കൊലപ്പെടുത്തിയത് വാളയാർ കേസിൽ നിന്നു ജനശ്രദ്ധ തിരിക്കാനെന്ന് പാ​ല​ക്കാ​ട് എം​പി വികെ ശ്രീ​ക​ണ്ഠ​ൻ. കൊലപാതകം പൊലീസ് മുൻകൂട്ടി തയ്യാറാക്കിയ തിരക്കഥയുടെ അടിസ്ഥാനത്തിലാണെന്നും പി​ന്നി​ൽ സം​സ്ഥാ​ന പോ​ലീ​സ് മേ​ധാ​വി​ ലോക്നാഥ് ബെഹ്റയുടെ കു​ബു​ദ്ധി​യാ​ണെ​ന്നും അ​ദ്ദേ​ഹം ആ​രോ​പി​ച്ചു.

കഴിഞ്ഞ ദിവസം താ​ൻ സം​ഭ​വ​സ്ഥ​ലം സ​ന്ദ​ർ​ശി​ച്ചി​രു​ന്നുവെന്നും ഏ​റ്റു​മു​ട്ട​ൽ ന​ട​ന്ന​തി​ന്‍റെ ഒ​രു ല​ക്ഷ​ണ​വും അ​വി​ടെ​യി​ല്ലെന്നും അദ്ദേഹം പറഞ്ഞു. സംഭവത്തിൽ ജുഡീഷ്യൽ അന്വേഷണം വേണമെന്നും വികെ ശ്രീ​ക​ണ്ഠ​ൻ ആവശ്യപ്പെട്ടു. പൊലീസും സർക്കാരും ഊതിപ്പെരുപ്പിച്ച ഇല്ലാക്കഥകളാണ് പ്രചരിപ്പിക്കുന്നതെന്നും അദ്ദേഹം പറഞ്ഞു. ഏറ്റുമുട്ടൽ നടന്നതിൻ്റെ ലക്ഷണങ്ങൾ അവിടെയില്ല. ച​ർ​ച്ച​യ്ക്കെ​ന്ന പേ​രി​ൽ വി​ളി​ച്ചു​വ​രു​ത്തി കൊ​ല​പ്പെ​ടു​ത്തു​ക​യാ​യി​രു​ന്നെ​ന്നു വേ​ണം ക​രു​താ​ൻ.- അദ്ദേഹം പറഞ്ഞു.

ആ​റു​മാ​സ​മാ​യി മാ​വോ​വാ​ദി​ക​ൾ ത​ങ്ങി​യി​രു​ന്ന​തി​ന്‍റെ യാ​തൊ​രു ല​ക്ഷ​ണ​ങ്ങ​ളും സംഭവം നടന്നുവെന്ന് പറയുന്ന സ്ഥലത്ത് ഇല്ലായിരുന്നു. അവിടെ ഒന്നോ രണ്ടോ ദിവസം മുൻപ് വെട്ടിയെടുത്ത നാല് മുളങ്കമ്പുകൾ നാട്ടിയിട്ടുണ്ട്. ഒരു ടാർപ്പാളിൻ്റെ കഷണവും അവിടെ ഉണ്ടായിരുന്നു.- ശ്രീ​ക​ണ്ഠ​ൻ പ​റ​ഞ്ഞു.

വാ​ള​യാ​ർ സം​ഭ​വ​ത്തി​ൽ വ്യാ​പ​ക പ്ര​തി​ഷേ​ധ​വും ജ​ന​രോ​ഷ​വും ഉ​യ​രു​മെ​ന്ന ഇ​ന്‍റ​ലി​ജ​ൻ​സ് റി​പ്പോ​ർ​ട്ടി​നെ​ത്തു​ട​ർ​ന്നാ​ണ് പോ​ലീ​സ് പു​തി​യ തി​ര​ക്ക​ഥ ന​ട​പ്പാ​ക്കി​യ​ത്. സം​സ്ഥാ​ന പോ​ലീ​സ് മേ​ധാ​വി​യു​ടെ മു​ൻ​കാ​ല ച​രി​ത്രം ഈ ​സം​ശ​യ​ത്തെ ബ​ല​പ്പെ​ടു​ത്തു​ന്ന​താണ്- അദ്ദേഹം കൂട്ടിച്ചേർത്തു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here