കൊച്ചിയിലെ റോഡുകള്‍ നന്നാക്കാത്തതില്‍ പ്രതിഷേധം ശക്തമാകുന്നു

കൊച്ചിയിലെ തകര്‍ന്നുകിടക്കുന്ന റോഡുകള്‍ നന്നാക്കാത്തതില്‍ പ്രതിഷേധം ശക്തമാകുന്നു. ജല അതോറിറ്റി പൈപ്പുകള്‍ സ്ഥാപിക്കുന്നതിനായി പൊളിച്ച റോഡുകള്‍ മാസങ്ങളായി തകര്‍ന്നു കിടക്കുകയാണ്.

ജല അതോറിറ്റിയും കോര്‍പറേഷനും തമ്മിലുള്ള തര്‍ക്കങ്ങള്‍ കാരണമാണ് റോഡ് പണി നീണ്ട് പോകുന്നതെന്നാണ് ആക്ഷേപം. നടുവൊടിക്കുന്ന യാത്രയ്ക്ക് അറുതിയുണ്ടാക്കാന്‍ അധികാരികളാരും നടപടികള്‍ കൈക്കൊള്ളുന്നില്ലെന്ന് ജനങ്ങള്‍ പറയുന്നു.

തകര്‍ന്നുകിടക്കുന്ന റോഡുകള്‍ ഉടന്‍ നന്നാക്കണമെന്ന് ഹൈക്കോടതി അടക്കം ഉത്തരവിട്ടിട്ടും ബന്ധപ്പെട്ട അധികാരികള്‍ തിരിഞ്ഞുനോക്കിയിട്ടില്ല. തകര്‍ന്ന റോഡുകളുടെയും ഓടകളുടെയും പേരില്‍ കോര്‍പറേഷന്‍ ഭരിക്കുന്ന കോണ്‍ഗ്രസിനുള്ളില്‍ തന്നെ പ്രതിഷേധം ശക്തമാണ്.