മലയാള സിനിമയിൽ ജാതി വിവേചനമില്ല; അഹംഭാവം ഒഴിവാക്കിയാൽ ഈ തോന്നൽ മാറുമെന്ന് ടൊവിനോ

മലയാള സിനിമയിൽ ജാതി വിവേചനമില്ലെന്ന് നടൻ ടൊവിനോ തോമസ്. അഹംഭാവവും അപകർഷതാ ബോധവും ഒഴിവാക്കിയാൽ ഇത്തരം തോന്നലുകൾ മാറുമെന്നും ടൊവിനോ പറഞ്ഞു. ഷാർജ പുസ്തക മേളയിൽ നടന്ന ദ് യൂത്ത്സ്റ്റാർ എന്ന പരിപാടിയിൽ സംസാരിക്കവേ ആയിരുന്നു ടൊവിനോയുടെ അഭിപ്രായം.

“മ​ല​യാ​ള സി​നി​മ​യി​ൽ വി​വേ​ച​ന​മു​ണ്ടെ​ന്ന പ്ര​ചാ​ര​ണം തെ​റ്റാ​ണ്. വ്യ​ക്തി​പ​ര​മാ​യ തോ​ന്ന​ലു​ക​ളി​ൽ​നി​ന്നും മ​നോ​ഭാ​വ​ങ്ങ​ളി​ൽ​നി​ന്നും ഉ​ട​ലെ​ടു​ക്കു​ന്ന തെ​റ്റി​ദ്ധാ​ര​ണ​യാ​ണ​ത്. പഴയ കാലമല്ല. അ​പ​ക​ർ​ഷ​താ ​ബോ​ധ​വും അ​ഹം​ഭാ​വ​വും ഒ​ഴി​വാ​ക്കി​യാ​ൽ ഇ​ത്ത​രം തോ​ന്ന​ലു​ക​ൾ മാ​റും.”- ടൊ​വീ​നോ പ​റ​ഞ്ഞു.

മ​ല​യാ​ള സി​നി​മാ മേ​ഖ​ല വ​ള​രെ വേ​ഗ​ത്തി​ൽ മു​ന്നേ​റു​ക​യാ​ണെന്നും പു​തു​മു​ഖ​ങ്ങ​ൾ​ക്ക് ഇ​നി​യും അ​വ​സ​ര​ങ്ങ​ളു​ണ്ടെന്നും അദ്ദേഹം കൂട്ടിച്ചേർത്തു. “ക​ലാ​മൂ​ല്യ​വും വി​നോ​ദ​മൂ​ല്യ​വും ഉ​ൾ​പ്പെ​ടെ​യു​ള്ള ഘ​ട​ക​ങ്ങ​ൾ ഒ​രു സി​നി​മ​യു​ടെ വി​ജ​യ​ത്തി​ന് ആ​വ​ശ്യ​മാ​ണ്. ഇ​തി​ൽ ഏ​തെ​ങ്കി​ലും ഒ​ന്നി​ൽ പി​ന്നാ​ക്കം പോ​യാ​ൽ സി​നി​മ​യ്ക്കു പൂ​ർ​ണ​വി​ജ​യം നേ​ടാ​നാ​വി​ല്ല.”- ടൊ​വീ​നോ പറഞ്ഞു.

പാലക്കാട് മെഡിക്കൽ കോളേജിലെ കോളേജ് ഡേക്ക് അതിഥിയായെത്തിയ നടൻ ബിനീഷ് ബാസ്റ്റിനൊപ്പം വേദി പങ്കിടാൻ കഴിയില്ലെന്ന് കോളേജ് മാസിക പ്രകാശനം ചെയ്യാനെത്തിയ സംവിധായകൻ അനിൽ രാധാകൃഷ്ണന്‍ മേനോൻ പറഞ്ഞതിൻ്റെ പശ്ചാത്തലത്തിലാണ് ടൊവിനോയുടെ അഭിപ്രായം.

വിഷയത്തിൽ സമവായ ചർച്ച നടത്തിയ ഫെഫ്ക സംഭവം ഒത്തുതീർപ്പാക്കിയിരുന്നു. ജാതി അധിക്ഷേപം ഉണ്ടായിട്ടില്ലെന്നും അനിൽ രാധാകൃഷ്ണൻ മേനോന് ജാഗ്രതക്കുറവുണ്ടായെന്നും ഫെഫ്ക ജനറൽ സെക്രട്ടറി ബി ഉണ്ണികൃഷ്ണൻ പറഞ്ഞു. വിഷയത്തിൽ അനിൽ ബിനീഷിനോട് മാപ്പ് ചോദിച്ചുവെന്നും ഇരുവരും തമ്മില്‍ നേരത്തെ ഉണ്ടായിരുന്ന സൗഹൃദം ഇനിയും നിലനില്‍ക്കുമെന്നും അദ്ദേഹം കൂട്ടിച്ചേർത്തു.

അതേ സമയം, അനിൽ രാധാകൃഷ്ണൻ മേനോൻ്റെ സിനിമയിൽ ഇനി അഭിനയിക്കില്ലെന്നാണ് ബിനീഷിൻ്റെ നിലപാട്. എന്നാൽ ബിനീഷിനോടൊപ്പം സഹകരിക്കുന്നതിൽ തനിക്ക് മടിയില്ലെന്നാണ് അനിലിൻ്റെ പക്ഷം.