പുതുക്കിയ ട്രാഫിക്ക് പിഴ; ട്രോൾ വീഡിയോയുമായി കേരള പൊലീസ്

പൊതുജനങ്ങൾക്കുള്ള അറിയിപ്പുകൾ ട്രോളുകളിലൂടെ അറിയിക്കുന്നതിൽ കേരള പൊലീസ് മിടുക്കരാണ്. കൂടുതലും മീമുകളിലൂടെ ട്രോൾ ചിത്രങ്ങളാണ് കേരള പൊലീസ് പങ്കുവെക്കുന്നത്. എങ്കിലും ഇടക്കൊക്കെ അവർ ട്രോൾ വീഡിയോയിലും കൈവെക്കാറുണ്ട്. ഇപ്പോഴിതാ പുതുക്കിയ ട്രാഫിക്ക് പിഴയെപ്പറ്റിയുള്ള ട്രോൾ വീഡിയോയുമായി അവർ രംഗത്തെത്തിയിരിക്കുകയാണ്.

ഏറെ പ്രശസ്തമായ ‘ഏ കച്ചവാ’ എന്ന പാട്ടാണ് ട്രോൾ വീഡിയോയുടെ ബാക്ക്‌ഗ്രൗണ്ട് സ്കോർ. ഹെൽമറ്റില്ലാതെ ഓടിച്ചാൽ എത്ര പിഴയടക്കണമെന്നും അപകടകരമായ രീതിയിൽ വണ്ടിയോടിച്ചാൽ പിഴ എത്രയടക്കണം എന്നുമൊക്കെ വീഡിയോയിലൂടെ കേരള പൊലീസ് അറിയിക്കുന്നു. അന്തരീക്ഷ, ശബ്ദ മലിനീകരണം, ഉദ്യോഗസ്ഥരുടെ നിർദ്ദേശം അനുസരിക്കാതിരിക്കൽ, മദ്യപിച്ച് വാഹനമോടിക്കൽ എന്നീ കുറ്റങ്ങൾക്കുള്ള പിഴകളും വീഡിയോയിൽ വിശദീകരിക്കുന്നു.

ഒന്നര മിനിട്ട് ദൈർഘ്യമുള്ള വീഡിയോ സോഷ്യൽ മീഡിയ ഏറ്റെടുത്തു കഴിഞ്ഞു. ഒട്ടേറെ ആളുകളാണ് വീഡിയോ പങ്കുവെച്ചിരിക്കുന്നത്. പതിനൊന്നായിരത്തിലധികം ആളുകൾ പങ്കു വെച്ച ഈ വീഡിയോ 40000ഓളം ആളുകൾ റിയാക്ട് ചെയ്തിട്ടുമുണ്ട്.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Breaking News:
സ്വപ്‌ന സുരേഷ് ആദ്യമായി ഒരു മാധ്യമത്തോട് പ്രതികരിക്കുന്നു
ട്വന്റിഫോർ എക്‌സ്‌ക്ലൂസിവ്
'ഡിപ്ലോമാറ്റിക് കാർഗോയുമായി ബന്ധമില്ല'
'ഡിപ്ലോമാറ്റിക് കാർഗോ ആര് അയച്ചോ അവരുടെ പിറകെ നിങ്ങൾ പോകണം'
'യഥാർത്ഥ കുറ്റവാളികളെ കണ്ടെത്തണം '
'ഞങ്ങളെ ആത്മഹത്യ ചെയ്യാൻ വിട്ടു കൊടുക്കരുത്‌'
Top
More