തമിഴ്‌നാട് പൊലീസിൽ വിശ്വാസമില്ലെന്ന് ഫാത്തിമയുടെ പിതാവ് അബ്ദുൽ ലത്തീഫ്

തമിഴ്‌നാട് പൊലീസിൽ വിശ്വാസമില്ലെന്ന് മദ്രാസ് ഐഐടിയിൽ മരിച്ച നിലയിൽ കാണപ്പെട്ട ഫാത്തിമയുടെ പിതാവ് അബ്ദുൽ ലത്തീഫ്. കേസന്വേഷിക്കുന്ന ക്രൈംബ്രാഞ്ച് ഒരാഴ്ച സാവകാശം ചോദിച്ചിട്ടുണ്ട്. കേരളത്തിലെത്തി മുഖ്യമന്ത്രിയെ കാണുമെന്നും അബ്ദുൽ ലത്തീഫ് ട്വൻറി ഫോറിനോട് പറഞ്ഞു.

ഫാത്തിമ ലത്തീഫിനെ മദ്രാസ് ഐഐടി ഹോസ്റ്റൽ മുറിയിൽ തൂങ്ങി മരിച്ച നിലയിൽ കണ്ടെത്തിയിട്ട് ഒരാഴ്ച പിന്നിട്ടു. അന്വേഷണത്തിൽ കാര്യമായ പുരോഗതിയില്ല. ചെന്നൈയിലായിരുന്ന പിതാവ് അബ്ദുൽ ലത്തീഫ് കേരളത്തിലേക്ക് മടങ്ങി.
അതേസമയം, ചെന്നൈ സെൻട്രൽ ക്രൈംബ്രാഞ്ച് കൊല്ലത്തെത്തി അമ്മ, സഹോദരി എന്നിവരിൽ നിന്ന് മൊഴിയെടുക്കും. സംഭവം അന്വേഷിക്കാൻ കേന്ദ്ര ഉന്നത വിദ്യാഭ്യാസ സെക്രട്ടറി ഇന്ന് ചെന്നൈയിലെത്തും.