ജിഎസ്ടി ഘടന പരിഷ്‌കരിക്കാനൊരുങ്ങി കേന്ദ്രം

ജിഎസ്ടി നടപ്പിലാക്കി രണ്ട് വർഷം പിന്നിടുമ്പോൾ നികുതി ഘടനയിൽ മാറ്റം വരുത്താനൊരുങ്ങി കേന്ദ്രം. കുറഞ്ഞ സ്ലാബ് ഘടനയുടെ പരിധി അഞ്ച് ശതമാനത്തിൽ നിന്ന് 9- 10 ശതമാനമായി വർധിപ്പിക്കാനാണ് തീരുമാനം.

ഇതിനു പുറമേ, 12 ശതമാനം നിരക്കുള്ള 243 ഉത്പന്നങ്ങളുടെ ജിഎസ്ടി ഘടന 18 ശതമാനത്തിലേക്ക് ഉയർത്താനും തീരുമാനം ആയിട്ടുണ്ട്. നിലവിൽ ജിഎസ്ടി ഈടാക്കാത്ത ഉത്പന്നങ്ങളെ ജിഎസ്ടിയുടെ പരിധിയിൽ കൊണ്ടുവരാനും ആലോചനയുണ്ട്. 2017 ജൂലായിൽ നൂറിലേറെ ഉത്പന്നങ്ങളുടെ ജിഎസ്ടി 14.4ശതമാനത്തിൽനിന്ന് 11.6 ശതമാനമാക്കിയത് സർക്കാറിന് നഷ്ടം ഉണ്ടാക്കിയിരുന്നു. ഇതിനൊടൊപ്പം കൂടുതൽ ഉത്പന്നങ്ങൾക്ക് സെസ്സ് ഏർപ്പെടുത്താനും ആലോചനയുണ്ട്. നിലവിൽ, 28 ശതമാനം നികുതി ഈടാക്കുന്ന സ്ലാബിൽപെട്ട ഏഴുതരം ഉത്പന്നങ്ങൾക്കും സേവനങ്ങൾക്കുമാണ് ജിഎസ്ടി ഈടാക്കുന്നത്.

Story highlight: Central government,  to revise GST structure